Мөнхтөр-Усалгаатай-тариалан.pdf

Усалгаатай тариалангийн үйлдвэрлэл 2019 оны эцсийн байдлаар 57,1 мянган га талбайг усалгаатай ашиглах боломжтойгоос 54.1 мянган га талбайд усалгаатай тариалсан. Үүнд: үр тариа 4,5 мянган га, төмс 8,8 мянган га, хүнсний ногоо 8,3 мянган га, тэжээлийн таримал 6,8 мянган га, жимс жимсгэнэ 6,7 мянган га бусад таримал 980 га-д тариалж, 17,9 мянган га–аас усалгаатай хадлан авсан байна. Энэ нь улсын хэмжээний нийт тариалангийн талбайн 12,5%-ийг эзлэж байгаа бөгөөд үр тарианы 1,24%, төмсний 58,7%, хүнсний ногоо, жимс жимсгэнийг 100% усалгаатай тариалсан.

Бүгд Найрамдах Хятад Ард Улсын Засгийн газрын хөнгөлөлттэй зээлийн хөрөнгөөр хэрэгжүүлж буй “Хөдөө аж ахуйн бүтээгдэхүүний үйлдвэрлэлийг дэмжих” төслийн хүрээнд 16.9 сая америк долларын үнэ бүхий 50-125 га талбайг услах үр тарианы зориулалттай усалгааны тоног төхөөрөмж 130 ширхэг, төмс, хүнсний ногоо, жимс, жимсгэнийнг услах зориулалттай бага болон дунд оврын усалгааны тоног төхөөрөмж 126 ширхэг, 0.8-1.0 mpa даралттай усалгааны хуванцар хоолойг тус тус худалдан авч усалгаатай тариалан эрхлэж буй иргэн, аж ахуйн нэгжид жилийн 2 хувийн хүүтэй 8-12 жилийн хугацаатай зээлийг Сайдын А-107, А-176 тоот тушаалаар ТЭДС-гаар дамжуулан зээлээр олгож эхлээд байна.

Үр тариа, төмс хүнсний ногооны үйлдвэрлэл эрхэлдэг 13 аж ахуйн нэгж, 1 иргэнд 19.4 тэрбум төгрөгийн үнэ бүхий 35 ширхэг усалгааны тоног төхөөрөмжийг 12 жилийн хугацаатай зээлээр олгож усалгаатай тариалангийн эргэлтийн талбайг 3000 га-аар нэмэгдүүлснээр нийт 3767 га талбай шинээр ашиглалтанд орох боломж бүрдсэн. Үүний үр дүнд усалгаатай тариаланд ашиглах боломжтой услалтын системийн талбайн хэмжээ 57,4 мянган га талбайд хүрээд байна./эх сурвалж-ХХААХҮЯам/