УСНЫ ЧАНАРЫН СТАНДАРТЫН АСУУДАЛД

Усны найрлага дахь химийн элементүүдийн агуулга организмд байдаг хэмжээнээс ихгүй, тэдгээрийн хоорондын тоон харьцаа нь организмын эд эсээр шимэгдэх зохистой тоон үзүүлэлтэд байхын зэрэгцээ нян бактери зэрэг төрөл бүрийн өвчин үүсгэгч бичил биетнээр бохирдоогүй усыг чанар хангасан ундны ус гэнэ. Усыг анагаах увидастай хэмээн итгэн нэн эрт цагаас эмчилгээ, сувилгаанд ашиглаж ирсэн. Хүн төрөлхтөн үүссэн цагаасаа усыг “чандмань эрдэнэ” хэмээн хайрлаж, усанд бохир зүйл дусаахыг цээрлэсэн зан заншил, ёс жудгийг хойч үедээ өвлүүлж иржээ. Усыг хүн бүр мэддэг атлаа усанд ямар нууц ид шид хадгалагддагийг тайлж чадалгүй өнөө хүрсэн билээ.